லவ்வுன்னா....
Google Buzz Logo

லவ்வுன்னா என்ன? அப்டின்னு 4ல் இருந்து 8 வரை வயதுள்ள மேற்கத்திய குழந்தைகளிடம் கேட்கப்பட்ட போது கிடைத்த பதில்கள்.

யாராவது நம்மைக் கஷ்டப்படுத்தும் போதும் நாம அழுதா அது அவங்களை கஷ்டப்படுத்தும்ன்னு அழாம இருக்கறோம் இல்லியா அதுதான்.

-மாத்யூ (6 வயது)

எங்க பாட்டி மூட்டு வலியினால கால் நகத்துக்கு நகப்பூச்சு பண்ண முடியாம இருக்கும் போது தாத்தா அவருக்கு மூட்டு வலியிருந்தாலும் உதவுறாரு இல்லியா அதுதான்
-ரெபெக்கா (8 வயது)

பொண்ணும் பையனும் வாசனை திரவியங்களை அடிச்சிகிட்டு எங்கையாவது வெளியில போய் ஒருத்தர ஒருத்தர் மொகந்து பாத்துக்கறது
-கார்ல் (5 வயது)

அக்கா அவளோட எல்லா துணிகளையும் என் கிட்ட கொடுத்துட்டு போட்டுக்க வேற துணியில்லாம புதுசா வாங்கிக்க வேண்டியிருக்குதில்ல அதுதான்
-லாரன் (4 வயது)

ஒரு ஆளும் ஒரு பொண்ணும் ரொம்ப நாளா ஒருத்தருக்கு ஒருத்தர் தெரிஞ்சவங்களா இருந்தும் இன்னமும் நல்ல நண்பர்களா இருக்கறது
-டாமி (6 வயது)

அன்பான ஒருத்தர் நம்ம பேரை சொன்னா அது மத்தவுங்க சொல்றதவிட வித்யாசமா இருக்கும்
-பில்லி(4 வயது - இந்த வயசுலயே இன்னா அறிவுபா)

வேற யாரும் கொடுக்கட்டும்னு காத்திருக்காம நாம நம்ம நொறுக்குத் தீனியை மத்தவுங்களுக்கு கொடுக்கறது
-கிறிஸ்ஸி(6 வயது)

கிறிஸ்துமஸ் அன்னிக்கு கிறிஸ்துமஸ் தாத்தா கொடுத்த பரிசை பிரிச்சிகிட்டு இருக்காம அவரு சொல்றத காது கொடுத்து கேக்றது
-பாபி(5 வயது)

அன்பாயிருக்க கத்துக்கனும்னா உங்களை விரும்பாத யாருகூடன்னா கொஞ்ச நாள் பழகிப் பாக்கனும்
-நிக்கா(6 வயது)

உங்களுக்கு ரொம்ப பிடிச்சவங்க கிட்ட ஏதாவது உங்களைப்பத்தி தப்பான விஷய்த்த நீங்க சொன்னா எங்க அவுங்களுக்கு உங்களைப் பிடிக்காம போயிடுமோன்னு நெனக்கும் போது அவங்களுக்கு இன்னும் அதிகமா உங்களை பிடிக்குது பாருங்க! அதுதான்
-ஸமந்தா(7 வயது - இன்னா அனுபவம்பா!)

அன்பு 2 வகை. ஒன்னு நம்ம அன்பு. இன்னொன்னு கடவுளோட அன்பு. கடவுளோட அன்பு ரெண்டும் சேர்ந்தது
-ஜென்னி(4 வயது)

அப்பா அழுக்கு சட்டையும் கையுமா வண்டியை சரி பண்ணிட்டு வந்து நிக்கும்போது அம்மா அவரைப் பாத்து திட்டாம "இப்பகூட ரொம்ப அழகா இருக்கீங்க" அப்டின்னு சொல்றது
-கிறிஸ்(8 வயது)

ஒரு பையன் தெனமும் ஒரே சட்டை போட்டுக்கிட்டு வந்தாலும் அது நல்லாயிருக்குன்னு சொன்னா அதுதான்
-நோயெல்லி(7 வயது)

ஒருத்தர் மேல அன்பாயிருக்கனும்னு நெனைக்கிறப்பல்லாம் அவுங்க கிட்ட அதை சொல்லிடனும், நெறய பேரு அத சொல்லுறதே இல்லை
- ஜெசிகா(8 வயது)

கட்டிப்புடிச்சி முத்தம் கொடுக்கறது. வேணும்னாலும் வேணான்னு சொல்றது
-பேட்டி(8 வயது)

என்னோட நாயை நாள் பூராவும் தனியா கட்டி வச்சிருந்தாலும் அது நான் வீட்டுக்கு போனவுடனே என் மூஞ்சில நக்குமே அதுதான்
-மேரி (4 வயது)

சில பேரை பாத்தா நம்ம கண்ணுல நட்சத்திரம் பறக்குமே அது
-கரேன்(7 வயது)

அதெல்லாம் இருக்கட்டும் நீங்க என்ன சொல்றீங்க?

7 கருத்து(க்கள்):

பெயரில்லா |

மணிக்கு Kangs சொன்னது...

//அன்பாயிருக்க கத்துக்கனும்னா உங்களை விரும்பாத யாருகூடன்னா கொஞ்ச நாள் பழகிப் பாக்கனும்//

//உங்களுக்கு ரொம்ப பிடிச்சவங்க கிட்ட ஏதாவது உங்களைப்பத்தி தப்பான விஷய்த்த நீங்க சொன்னா எங்க அவுங்களுக்கு உங்களைப் பிடிக்காம போயிடுமோன்னு நெனக்கும் போது அவங்களுக்கு இன்னும் அதிகமா உங்களை பிடிக்குது பாருங்க! அதுதான்//

இது என்னுடைய அண்ணன் என்னிடம் சிறு வயதில் காதல் என்றால் என்ன என்றுக் கேட்ட போது கூறியது.

இஷ்டப் பட்டு இருவரும் சேர்ந்து கஷ்டப் படுவதே காதல்.

இது எப்படி இருக்கு கோபி


பெயரில்லா |

மணிக்கு Kangs சொன்னது...

கோபி ரொம்ப நன்றி!! என்னுடைய வலைப் பதிவின் முகவரியை (தினம் ஒரு ஸென் கதை ) உங்கள் அக்கம் பக்கம் பார்ப்பதில்..


பெயரில்லா |

மணிக்கு மூக்கன் சொன்னது...

செய்யும்போது மகத்துவம் தெரியாமல். விட்டபின் வீரியம் உணர்த்துவது.

- ஹி..ஹி..சொந்த அனுபவம்


பெயரில்லா |

மணிக்கு BALA சொன்னது...

//ஒருத்தர் மேல அன்பாயிருக்கனும்னு நெனைக்கிறப்பல்லாம் அவுங்க கிட்ட அதை சொல்லிடனும், நெறய பேரு அத சொல்லுறதே இல்லை//

This is superb, Gopi, from a child!

//அப்பா அழுக்கு சட்டையும் கையுமா வண்டியை சரி பண்ணிட்டு வந்து நிக்கும்போது அம்மா அவரைப் பாத்து திட்டாம "இப்பகூட ரொம்ப அழகா இருக்கீங்க" அப்டின்னு சொல்றது//

இதுவும் அருமை :-)

என்னைப் பொறுத்தவரை, லவ் என்றால், பேணிப் பாதுகாத்தல்!

என்றென்றும் அன்புடன்,
பாலா


பெயரில்லா |

மணிக்கு vassan சொன்னது...

கோபி:
சம்பந்தமில்லாததை கேட்பதை பொறுத்துக் கொள்ளவும்.ஒருதடவை உங்கள் பதிவு வழி ஜீ மெயில் முகவரி கிடைத்தது.இன்னும் யாருக்கும் தேவைப்பட்டால் என்னை வாசுச் அட்.ஜீமெயில்.காம் கேட்கச் சொல்லுங்கள்.எனது ஜீமெயிலில் 48 பேரை அழைக்கலாம் என்று சொல்கிறது.


பெயரில்லா |

மணிக்கு கோபி சொன்னது...

வாஸன்,

அந்தப் பதிவின் தனிச்சுட்டி: http://higopi.blogspot.com/2004/12/blog-post_28.html

நன்றி!!


பெயரில்லா |

மணிக்கு அல்வாசிட்டி.விஜய் சொன்னது...

தலீவா,

சுகமான பொழுது போக்கு காதல்.

பொன்னான காலத்தை கொல்லும் பொன்னான காலங்கள் காதலிக்கும் காலம்.